2015年7月31日 星期五

「分工」實例


午間,心血來潮,到「牡丹樓」買魚柳包吃。

不知何故,店舖入口處附近出現了一灘水漬。顧客進出時都加倍小心,繞過濕滑地面,以免誤踏滑倒。

不久,一名捧著數個膠餐盤的「牡丹樓」服務員路過時,也發現了該灘積水

等候空桌時所見,那名服務員放下餐盤後,馬上朝遠方走去。看樣子,她不像是假裝視而不見,但求速速「逃之夭夭」。果然,很快,她拿著「工具」折返現場處理

她把一塊印著「小心地滑」的警示牌豎在積水旁後,隨即繼續清理桌、收拾餐盤等工作

放置「小心地滑」膠牌子無疑可提醒他人多加留意,可惜,那膠牌子並未先進至配備「吸濕功能」,結果該處地面依舊濕滑。直至另一名途經的服務員察覺水漬,回頭以地拖清理,地面才回復乾爽。

回想唸中學時,曾讀過「分工」(Division of Labour)的概念,想不到現實世界裡,「分工」的應用可以如斯極致-----清理積水的過程中,兩個「簡單小工序」各由不同員工負責,一人專責豎起警示牌,另一人專責拖乾地面

不知道這件小事情能否成為日常生活中的教材?當然,教材有「正面」與「反面」之分。




圖片來源﹕
123rf.com

25 則留言:

  1. 回覆
    1. 我提到「分工」,係有「曲線抽水」成份gar。我係懷疑係咪要分工分得咁仔細....=P

      刪除
  2. Small U 吃的魚柳包五味紛陳呢!

    回覆刪除
    回覆
    1. 五味紛陳...又好似言重左。更何況...

      魚柳包計埋底面兩層包,魚柳、芝士同沙律醬,都冇五種食材啦,邊有五種味?=P

      刪除
    2. 嘿嘿,數學竟比我還差呢﹗
      細味人生的味......

      刪除

    3. 魚柳芝士沙律醬
      人生五味好言重
      計埋兩層魚柳包
      底面數學要分工

      刪除
    4. 斯晨,睇完你段留言,又睇埋大夫的打油詩...哈,兩層包係同味gar =P哈哈,唔玩啦,驚激到你彈起,明明五味紛陳都唔係講食物的味道。

      刪除
  3. 回覆
    1. 如果員工識division of body,識分身,對僱主來說可能更佳。不過,似乎唔少僱主都已經認定員工是識分身的。

      刪除
    2. 我估下次再調時又會再升。

      刪除
  4. 這就是大公司文化。如果服務員去拖地,一旦被客戶投訴枱面太多餐盤未執,咁她就責無旁貸了。

    回覆刪除
    回覆
    1. 查實,我會相信真係會有人專責做大清潔,但係日常運作上,係咪真係分得咁仔細gar?

      刪除
  5. 分工精細是現今一些機構的政策。

    回覆刪除
    回覆
    1. 也是不少員工的心態。這樣說啦,份約有job descriptions是應該的,但員工是否「硬性」只做份內事,絲毫不差,也是可思考一下的。

      刪除
  6. 每個人有自己職責,我覺得個女仔即刻拎住工具折返現場,算做得唔錯架喇,加上佢都要做妥自己手頭嘅工作!

    回覆刪除
    回覆
    1. 我這樣看...如果第二名員工來到時已拿著地拖,我有理由相信第一個員工在「拎牌期間」已經通知了第二名員工(可能是專責拖地)前來處理,只不過是她幫手豎牌先。

      現在是第二名員工路過察覺水漬,去拎地拖再回頭返黎清潔,情況似是第一名員工覺得見到地下有水豎了告示牌就ok,沒有通知過其他人(相關人等)處理。

      刪除
  7. 有一次去飲茶,我不善用筷子,要求有叉,我以為向每個侍應都可以要求,但當侍應放下杯及茶時,他竟說:你問雜工啦,我只負責茶水。

    回覆刪除
    回覆
    1. 你去的是不是高級酒樓?^_^

      高級酒樓我少去,據我所知一般酒樓,侍應通常都是分zone處理(即負責區域內的上菜、餐具、沖茶等工作),比較少仔細到好似你形容咁分。

      個侍應除了負責茶水之外,會唔會仲負責同公司「倒米」?

      刪除
    2. 我不是去高級酒樓呀,而且高級酒樓更加唔會咁同客人講啦~LI 個侍應懶就真啦~

      哈~哈~好好笑,同公司「倒米」~~~

      刪除
    3. 佢咁做,唔係同公司「倒米」咩?可能,佢以前在廚房做學徒的,就係負責幫d大師傅煮飯,倒定d米入個大圓桶度。

      刪除
    4. SUSU~~仲講~~笑死人喇~~

      刪除
    5. 好啦好啦,唔講喇,一陣有人又笑到痛。

      刪除
  8. 一向係分工合作好做事, 也會提高工作效率, 我都好認同呀..

    回覆刪除
    回覆
    1. 哈,我話一個負責豎牌,一個負責拖地,我用分工形容有抽水成份gar。

      刪除