2016年2月21日 星期日

香港 • 觀猴


香港動植物公園
 
白臂長尾猴。特徵是額上的黃色半圓與長長的白鬍子


環尾狐猴。圍在一起,不知是否一家人?


領狐猴。牠們手腳靈活,在木頭上走動時來去自如


這裡的猴類多屬瀕危物種。「猴族」之外,園內尚有婆羅洲猩猩、金星龜、丹頂鶴等不同動物。上圖為揚子鱷。


金山、城門水塘一帶


觀賞野生猴子,SU首選城門水塘。相對金山,那兒的猴子數目較少少了被猴群包圍的「壓迫感」,郊遊時或會更寫意。切記,為免引來猴兒騷擾,請勿手挽膠袋及在牠們身前做出打開背包等舉動。另一方面,各個郊野公園內的燒烤點與野餐點甚多,為何要選擇易引發人猴衝突的地點?


遊城門水塘,除了可欣賞猴子的有趣舉動,還可在美麗的水塘周邊留影。好運的話,遊人也可發現自由自在的牛兒。


嘉道理農場



園方收養的動物在獲救時多已失去野外求生能力,不適合重返大自然。三隻名為RosieRamboDarlexi的猴子在園內的「猴子樂園」生活,各位可探探牠們喔。觀賞猴子之餘,遊人也可在場區內認識野豬、豹貓、蝙蝠等香港山野常見的動物。




圖片來源﹕ 
自拍





29 則留言:

  1. 回覆
    1. Aiya,你嚇到我即刻要搵塊鏡出黎照下自己個樣確認下,跟住仲要開多盤水。

      因為我驚照塊鏡唔足夠,同埋俗語有話「唔信塊鏡都信下盤水」。=P

      刪除
    2. 大夫ge留言,差點笑死我。

      SUSU,原來...你我...早在...我被紅眼大大大馬騮嚇到死死下時...見過面=P

      刪除
    3. RE﹕張潔潔
      你唔覺得D白臂長尾猴幾得意?有長長的白鬚。望落去好似係男性,其實可能係女性。

      刪除
    4. 我鍾意領狐猴多D,好似熊貓~

      刪除
    5. 咁望住領狐猴,至少潔潔唔會想起長毛大大大馬騮先。=P

      刪除
    6. 又看見大夫的留言,哈哈哈.....

      刪除
  2. 哈哈哈, 真係笑到碌地 !
    SU大哥的自拍,拍得非常好! 非常有趣!
    西遊記中,我最意是「美猴王」齊天大聖孫悟空 !

    回覆刪除
    回覆
    1. 中國名著,我只係三國演義睇得比較多,但係都冇睇晒。我比較鍾意睇D關於心靈培養與思考GE書。西遊記....我都係睇電視劇。=P

      我最意是「美猴王」齊天大聖孫悟空---->WHY?

      刪除
    2. 我鍾意美猴王:
      我小學五年級時,就看西遊記的了,那時是不知不解的,
      只是好奇而已,中學時再看,是一知半解的,
      到現在仍然是一知半解的,
      我覺得吳承恩筆下西遊記的孫悟空,武功高強 .
      他高傲自負,勇敢無畏、堅韌,嫉惡如仇 ,
      後來幫助師傅取西經, 收成正果 ,我好喜歡這角色,
      我曾經有一篇BLOG 是寫美猴王的. 請看 my blog

      http://snowballsnow.blogspot.hk/2014/02/blog-post_19.html


      刪除
    3. 羊羊,你POST多次,今次成功喇。BLOGSPOT有時會將D字多GE留言自動搬去垃圾留言箱度。

      孫悟空都係西遊記入面的主角黎,係喎,羊羊,我都識另一個孫悟空,佢一樣都係「勇敢無畏、堅韌,嫉惡如仇」,不過佢唔自負,又冇去取西經.....你知唔知係邊一位孫悟空?佢就係龍珠入面果個。^_^

      覆完留言再去睇你篇BLOG。

      刪除
    4. 我看了喇,希望很多人不會像孫悟空咁,是透過反思而轉變,而不是因為高傲碰了釘子受了教訓才識變啦。^_^

      刪除
  3. SMALL U...新年快樂. 

    回覆刪除
    回覆
    1. THX,我係咪祝過你實踐你在BLOG入面提過GE兩年計劃?

      咁唔講呢D喇,祝你猴年開開心心啦。

      刪除
  4. 香港多了很多野生猴子呢!

    回覆刪除
    回覆
    1. 現在搞緊絕育,希望控制猴子數量喇。佢地冇天敵,唔同佢地絕育係會越來越多的。

      刪除
  5. 諗諗吓,喺香港做馬騮都幾好喎,有野食,又無人搞!

    回覆刪除
    回覆
    1. 下?耐不耐佢地都有俾人虐待GAR,又有D人手痕用石仔掟。城門水塘果邊D馬騮俾金山果邊好,至少少了一條車來車往的大埔道。

      刪除
  6. 你唔提都唔記得嘉道理農場係有馬騮睇添。
    睇番舊相,有隻叫 Julie 的雌猴失蹤了,原位由三猴合照補上。可能是得罪過女人吧。XD (據牌講 Julie 對任何接近她的女性都懷有強烈敵意)

    回覆刪除
    回覆
    1. 原來農場都養過唔只一隻猴子。

      我到農場時,黑仔認得人的-----唔知係咪負責掃樹葉的姐姐同黑仔玩過,個姐姐走到籠邊,黑仔已經走埋去阿姐果度。

      刪除
  7. 今年猴年,好應節既馬騮,哈哈!

    回覆刪除
    回覆
    1. 係呀,年初一都好多人上去城門水塘,結果大塞車。

      刪除
  8. 有一次上沙田道風山,回頭一看,有一隻四尺高的猴子站在我旁。嚇得連叫出聲的能力都沒有啊﹗

    回覆刪除
    回覆
    1. small U 的自拍象
      真俊俏
      沒嚇著你罷
      今天肯定不只四尺了

      刪除
    2. 斯晨,可能佢想捉你返去做山寨夫人呀=P

      刪除
  9. 還是金山、城門水塘一帶的馬騮可愛一些,很怕動植物公園的猴子,感覺上覺得很核突!

    回覆刪除
    回覆
    1. 動植物公園飼養果D,通常都係比較瀕危的品種,樣貌係會冇彌猴那類咁常見的。

      刪除
  10. 原來係領狐猴...心心以為係熊貓添!^^'''

    回覆刪除
    回覆
    1. 動植物公園D護理員比較擅長照顧猴子、猿、猩猩這類動物,熊貓留返比海洋公園啦。^_^

      刪除