2016年3月7日 星期一

馬鞍山郊遊徑

是次踏上馬鞍山郊遊徑,由馬鞍山村走至西貢菠蘿輋


可在港鐵馬鞍山站(新港城)旁的鞍祿街乘坐村巴NR84至馬鞍山村總站,下車後在此鄉郊小徑展開行程


走畢小徑後右轉,接上馬鞍山郊遊徑。前行不久,路段由水泥路轉為原始山徑


途經一條小溪。據說溪水供馬鞍山村居民使用,路過時切勿污染上游


早段經以大石塊築成的梯級穿過樹林,登上高地


梯級盡處設一涼亭供遠足人士小休回氣。續朝大水井/昂平營地方向前行


抵達昂平高原後,可暫離郊遊徑,走路旁小路往山邊看看開揚景緻


遙望高山「大金鐘」與其附近的相連山脈


走向前方的昂平觀景台。在刮大風的日子,常見滑翔傘在天空飛翔


俯視西貢一帶與內海群島,更可見遠方的萬宜水庫西壩


重回郊遊徑。身處大自然之中,吸吸新鮮空氣,感覺多寫意


來到「Y」型支路位,朝大水井方向進發


下山時,可適時停步,欣賞山下風光


西貢市中心變得越來越近喔。可是,仍須多走一段崎嶇的山路,不可因心急而掉以輕心


回望走過的「大石路」。石塊看似雜亂無章,惟不難找到合適石頭作為落腳點


緊接「大石路」的是工整的水泥石級


看見此資料板,代表已走畢全段馬鞍山郊遊徑


於此按箭咀方向左轉直走後,將途經紅花村公厠(如害怕走錯路,可以此為「地標」)



來到北港路與菠蘿輋路交滙處,疲累的話可在這裡等候專線小巴往西貢市中心。如體力許可,可按相片中的箭咀方向走,續沿菠蘿輋路下行


接上西貢公路,可在附近的巴士站乘車返回市區,或左轉後走1015分鐘至西貢市中心









後記及備註﹕

1. 由馬鞍山村走至西貢公路,全程約需2小時15分。時間僅供參考。



2. 截至本篇發佈日,NR84村巴成人車費每位$7。由於班次甚疏,且座位「十分有限」(SU沒有準確點算過該村巴可載多少人,網上有說該型村巴可載28),如欲選乘該線,不妨提早到新港城總站輪候;另一方面,遊人未必可在中途站登車。漁護署提供的NR84班次資料(參見昂平營地「前往方法」一欄)如下﹕




3. 如錯過NR84班次,可乘的士至馬鞍山郊野公園一帶起步,或沿馬鞍山村路徒步上行至郊遊徑起點(估計總步行間增加約4560分鐘)。



4. 全段馬鞍山郊遊徑均不設垃圾箱,愛護大自然,自己垃圾自己帶走。






延伸閱讀﹕
另一條初段和馬鞍山郊遊徑重疊的路線--------馬鞍山村至水浪窩(經麥理浩徑第四段)




圖片來源﹕
自拍

42 則留言:

  1. 上星期日,我也在馬鞍山踏單車,本想行山的,但瞓到成點幾先起身,
    嘩!原來馬鞍山海邊是很多遊人的!

    回覆刪除
    回覆
    1. 馬鞍山海邊幾好,遠離馬路,空氣都好些,仲可以泊好架車入去馬鞍山公園打個轉。

      刪除
  2. 嘩! 貓最近都行山上癮似的,前天完成元荃古道。我現在專看你寫郊遊卜文,參考下。這星期,天氣可以的話,會攻入橫七古道。 😀

    回覆刪除
    回覆
    1. 元荃古道好長呀,哈,今次應該唔只行1.5小時,過足癮。=P

      今個星期六、日都話有雨呀,上落斜時(你都係經八仙嶺自然教育徑,對不?)小心山徑濕滑。

      刪除
    2. 行元荃古道,用了六個半鐘,當中有一小時是休息吃乾糧,拍照。星期六行山,會視乎天氣決定。
      我家很近馬鞍山,去過烏溪沙拍日落。有機會都要行下呢個郊遊徑。*^O^*

      刪除
    3. 呢度唔錯,風景好好,值得一行呀。^_^

      踏入3月,開始多雨,我都係趁好天同未係好熱先行呢度。之後熱返可能要抖下暑先,等下個山季來臨喇。

      刪除
    4. SU, 我星期六行山,同行友人臨時要改行八仙嶺,搞到晚上八時才落到山,黑麻麻,差點上頭條新聞。 (>﹏<)

      刪除
    5. 八仙嶺?我要叫你做師姐喇,我知條路線係點,但係未行過呀。

      橫七古道同八仙嶺係唔同級數的路線,如果預算行橫七古道但忽然改行八仙嶺,我諗我未行完已經缺水缺糧中,同唔會有裝備行夜山。=P

      在高山上走,ENJOY?^_^

      刪除
    6. 嚇餐死。當時天已黑,頂硬上,一定要盡快落山。第二日,睇返啲地勢,真係好彩。我就唔會再突發轉plan囉!

      刪除
    7. 貓貓,哈哈,既然平安歸來,就當係一次毅行者的入門版行夜山體驗啦(當然,我係事後先咁講=P)。

      刪除
  3. 好友★。゚☾快樂時間過得好快
    又瞓覺豬喇喂☁¨*☆好夢♦・゚✬晚安
    ╔══╗────╔╗╔═╦╦╗─╔╗╔╗¤
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝•*◇Zzz
    ∴♣♧♣∵♣♧♣•ೋ*¨*•.¸¸。゚ഐ

    回覆刪除
    回覆
    1. 你現在,食左晚飯未呀?出左菜譜未?=P

      刪除
    2. 未食晚飯...FB才天天出菜譜

      刪除
  4. 回覆
    1. 係呀,愛護郊野,愛護大自然。

      刪除
    2. 大夫,記得帶走自己的垃圾呀!

      刪除
  5. 這路我只行過一半,我想知道大石路是向上定向下的?

    你最近開始出動了^^

    回覆刪除
    回覆
    1. 如果按本篇路線由馬鞍山走至西貢,大石路是向下同算「幾斜」的。潔潔如行,走動時要小心一些。若路面濕滑(不論下雨或潮濕),不妨改道或原路返回馬鞍山村,相比下,我覺得走原路安全些。

      刪除
    2. 其實,潔潔GE行山經驗已經多過我。你差唔多個個星期行,我在你面開始前有點班門弄斧。=P

      刪除
    3. 你咁客氣ge,無論有幾多經驗,安全第一呀~

      刪除
    4. 之前果句應該係「我在你面前開始...」>_<

      呢度對潔潔黎講仲有度好,行完可以直接行埋返屋企。^_^

      刪除
    5. 如由你圖中嗰度,行返我家,慢慢行同八八卦卦,大約要40分鐘gar

      刪除
    6. 西貢係你地頭,唔會陌生,八八卦卦可以「八少D」,慳番D時間^_^

      刪除
  6. 經過一星期的工作,到周末去效外行行山,除咗舒活筋骨之外,亦可以減減壓!

    回覆刪除
    回覆
    1. 看看山景海景,感受大自然的美好,人都醒神些。

      今次到昂平,美中不足係看不到牛。

      刪除
  7. 有冇去西貢墟tea一tea?

    回覆刪除
    回覆
    1. Yes,行完一輪,要去西貢墟果邊食下野補充下呀。^_^

      刪除
  8. 我最坦白,這郊遊徑對我而言,會幾辛苦,我考慮……
    謝謝分享!

    回覆刪除
    回覆
    1. 我愛行山同欣賞大自然,自然推介行山路線呀。羊羊有做其他運動,都很不錯。^_^

      刪除
  9. 你有無見到牛牛啊?我行左兩次,見到D牛牛係山上,又有草地,好有''風吹草地見牛羊''的感覺!好靚.

    回覆刪除
    回覆
    1. 呢個就係美中不足....我見不到有牛呀。可能佢地GE生活時間表入面,那段時間行左去第二度。

      刪除
  10. U, 你今次又介紹馬鞍山郊遊徑的好去處給我們逛逛,現在天氣是處於三月潮濕多霧,而且忽冷忽熱的,時而下著毛毛細雨,很是腦人的天氣,若要我出外行山真的未有這個心和興趣呢...

    回覆刪除
    回覆
    1. 係呀,天氣開始潮濕有雨同溫度上升,所以...之後都要抖抖暑同唔上較崎嶇的山路呀。

      刪除
  11. 幾年前去我見有不少人在山頂不右轉往昂平觀景台,而走去左面,不知道那邊的風景是不是也很好。

    回覆刪除
    回覆
    1. 不少人在山頂不右轉往昂平觀景台,而走去左面--->是不是指初段梯級頂的涼亭那兒?

      是的話,那邊經九曲山去水浪窩(逆走麥徑第4段),昂平俯視西貢的景觀,走那兒也大致可以看到,那邊更可「增看」九曲山山脊(本身就是走在其山脊上)及馬頭峰,比馬鞍山郊遊徑更有睇頭。可是,對我來說,最大問題係到了水浪窩,如果近黃昏,唔知上唔上到西貢開出黎的巴士。

      刪除
  12. 衷心羨慕你對行山樂此不疲﹗

    回覆刪除
    回覆
    1. 喜愛,就自然樂此不疲MA。同埋,香港有咁多美麗山野,度度都有不同風光。

      刪除
  13. 第7幅...係心型呀!咁啱嘅!^^'''

    回覆刪除
    回覆
    1. 我個兩條支路都係行山人士「隨心」行出黎GAR^_^

      刪除
  14. SU 很享受郊遊的樂趣,還不忘向網友分享!真是獨樂樂,不如眾樂樂!^-^

    回覆刪除
    回覆
    1. 等大家都有機會去感愛一下大自然的美好MA。

      同埋,我覺得,要宣揚愛護大自然,最好就係吸引人去過,親身感受下,咁效果會好D。齋講,別人又齋聽,他們會感覺好抽離,甚至乎會有種「大自然關我乜事」的冷感,所以我希望我寫郊遊POST時可以影下風景相,又寫下路線讓人知道點去,等大家唔會想去但係都唔知點行,有埋路線,至少去行行的動機會大些。

      刪除