2016年5月23日 星期一

漁民文化村


踏足南丫島,除了吃海鮮與行山外,也可到由大型魚排改建而成的漁民文化村遊覽。遊人於中環乘船抵達索罟灣碼頭,可在附近的文化村「岸上門市」購買門票,接著按職員指示轉乘駁艇(1分鐘航程)抵達。

登上魚排後,SU建議遊人不妨先向職員查詢導賞團時間,以便隨隊參觀。和「自行遊歷」相比,藉著導賞員講解,遊人可更了解昔日漁民的生活文化與更深入認識一些本地常見的海洋生物


部份展區、展品 
展示傳統漁民服飾的其中一個展覽館

漁船上的廚房一角。那舊式碳爐有點「懷舊風」

日出而作,日入而息。船上空間有限,這就是睡房


本地海洋生物導賞

上圖為雞泡魚,下圖為鯊魚。魚類外,文化村內飼養了海后(馬蹄蟹)、海膽、海星等海洋小生物,作向市民傳授相關知識之用


魚排上的活動
特別一提「無鈎釣魚」。遊人如在「無鈎釣魚區」把重達七、八斤的鱸魚(有些更重﹗)拉到岸上,可免費把該條魚據為己有,帶回家中享用。何謂無釣魚?不妨參看以下網上短片,該釣者差一點便把大大的鱸魚「私有化」



(後加一段成功「無鈎釣魚」的網上短片,且看有興趣一試的訪客能否參透箇中奧妙^_^)







後記及補充﹕
1. 參觀與活動時間約需2小時,時間僅供參考。

2. 關於漁民文化村的詳細介紹,可參閱以下官方網址﹕

3.如欲了解收費,可參看官方網址內的QnA分頁﹕
補充購票前,不妨先向職員查詢不同門票種類所包括的活動項目,再按自身需要購入合適門票。




圖片來源﹕
自拍

  





27 則留言:

  1. 遊人於中環乘船抵達索罟灣碼頭,
    可在附近的文化村「岸上門市」購買門票,
    接著按職員指示轉乘駁艇(1分鐘航程)抵達。
    登上魚排後,SU建議遊人不妨先向職員查詢導賞團時間,
    以便隨隊參觀。

    回覆刪除
    回覆
    1. 係呀,唔駛錯過左又要花時間等下轉嘛。

      刪除
  2. 多謝介紹!踫啱去南丫島的話,一定去漁民文化村逛逛!

    回覆刪除
    回覆
    1. 見入南丫島多數行家樂徑,於是寫下呢度,多個選擇。

      刪除
  3. 好耐冇去南丫島,多謝分享!

    回覆刪除
    回覆
    1. 夏天嘛,寫下小島遊,反正少行山。

      刪除
  4. 無鈎釣魚幾好玩,可以有幾次機會俾你釣?好耐都無去南丫島囉.......

    回覆刪除
    回覆
    1. 佢有唔同種類門票的。成人普通門票現價$80,套票$128
      普通票包駁艇來回、導賞團、展館參觀、一次無鈎釣魚
      套票除上列那些外,另包4張活動券、小食券及購買土產優惠券。每張活動券可作一次無鈎釣魚或換一小桶魚餌餵魚。

      大致是這樣,不過最好買票前查看官方網頁,問一問各類門票包什麼,以佢哋最後更新為準。

      篇中我加左一段成功無鈎釣魚的短片,有興趣一試可參詳一下,看看有沒有秘技可參考。=P

      刪除
  5. 無鈎釣魚~係好難釣到魚的'要睇你運氣架.

    回覆刪除
    回覆
    1. 係呀,佢哋有替成功無鈎釣魚的人拍照留念,上載官方FACEBOOK。我粗略睇過,估計一年應該唔夠20個釣到。^_^

      佢地話最初設計呢個活動,原意都係諗住俾人感受下漁民同大魚鬥力的情況,唔係諗住真係俾人扯條魚上岸的(所以先用無鈎)。

      刪除
  6. 雞泡魚同鯊魚真是非同一般。

    回覆刪除
    回覆
    1. 條鯊魚我唔記得咗係乜野種類,不過應該係BB。大咗我估佢地會放返走。

      刪除
  7. SU, 去過南丫島咁多次, 都唔知有呢個活動. 謝謝介紹,

    回覆刪除
    回覆
    1. 呵呵,寫下呢度,等大家夏日多個活動選擇喔﹗

      係喎,阿Kit(我見你個名係分開兩個字呀=P),你習慣你個BLOG個新環境未?能否俾個網址我?我第一次入去冇BOOKMARK,第二次入去連咗去GOOGLE PLUS。

      刪除
    2. Kitten901@blogspot.hk
      我剛旅遊回來,多上載了一篇而已。

      刪除
    3. Thank you. Bookmark咗喇。

      刪除
  8. 睇完第二套片有點暈。

    幾好玩噃。知唔知星期日會唔會迫爆呢?

    回覆刪除
    回覆
    1. 既然係咁,咁我用第二條片啦,反正SEARCH果時搵到兩條。^_^

      呢度爆唔爆,我覺得都幾睇有冇D本地團去參觀,佢地有D PLAN係同海鮮酒家、旅行社合作,俾D本地團直落玩完去食海鮮。

      刪除
  9. 我上星期日都返咗去南丫島,因為天后誕呀 :)

    回覆刪除
    回覆
    1. 知多一點點先,南丫島的天后誕是怎樣的?例如有沒有巡遊之類?

      刪除
  10. su,去年我終於去了一趟大澳啦,但你的行程似乎更豐富呢﹗

    回覆刪除
    回覆
    1. 吓?你去果個大澳即係我到過果個大澳喎,一樣GAR喎。=P

      我都係週圍行咋。你係咪學校旅行嚟?

      刪除
  11. 雞泡魚身型肥嘟嘟................其實都幾可愛呢!

    回覆刪除
    回覆
    1. 佢可能果日嬲嬲地,又俾人拿著做導賞,所以「鼓埋泡腮」=P

      刪除
  12. 南丫島是值得去的離島,暫時還未受污染。

    回覆刪除
    回覆
    1. 南丫島,不錯的,但如果我向Joyce推介一個本港的離島,我會推介東龍島。

      刪除