2016年7月6日 星期三

Vs 美洲蜚蠊

看名字,已可猜到蜚蠊是昆蟲,那麼什麼是美洲蜚蠊?

蜚蠊,蟑螂也。美洲蜚蠊乃美洲蟑螂,即體形較大(和德國蟑螂相比)及成年後有翅膀會飛那種。

其實,SU算幸運,家中一向沒有小強出沒,相隔很久才偶爾發現一隻,估計該是從室外爬進來的。六月尾某晚,睡前刷牙洗臉後經過客廳嘩﹗一隻美洲小強伏在餐桌上。

問題來了,如何處理?

拿報紙打大型小強本身就是一件噁心旳事,用力不當,太輕力打不死,太大力又餘下一大灘「污漬」。不要忘記,牠在飯桌上。對﹗是飯桌,用餐的地方。

沒有辦法,唯有先用報紙撥牠到地上才算(心裡盤算著牠會不會突然亂)。怎料,當牠落到地板時,馬上超級迅速逃到沙發底。

十分麻煩。

大力搖動沙發,牠不出來;硬著頭皮用報紙在沙發底亂撥,牠不出來;等了很久,牠就是不出來。

換了你是我,你會怎辦?

如果是細小的德國小強,我會睡覺算了,而且睡得若無其事,但對於大大的、會飛的,心裡始終有點「不自在」。於是,想出了一個環保人士該會大力反對的方法--------全晚亮著客廳的天花燈,同時把睡房的燈亮著。小強怕光嘛,希望可借「光牆」把牠「困在」沙發底,翌日才另謀對策。

當晚,躺在床上,基本上沒有睡過,一來燈火通明下很難睡著,二來不清除牠總是不安心。

翌日早上(七一假期),換個方法試試,把掃帚柄拆出來,以報紙包裹,作為「手臂的延伸」伸至較貼近牆身的沙發底亂掃亂撥,及後再移出沙發檢查沙發背與牆身,不見小強形踪,心想牠不會爬到別處吧?倘若走到別處躲起來,如何找牠出來?

晚上(又是在睡前﹗),發現小強在沙發底(「較出」位置)活動,好像想離開沙發底似的,不過很快又爬回「暗黑深處」,原來牠還沒離開﹗一直留意沙發下的地板位置等待時機,忽然傳來陣陣「風吹百葉簾」的聲音。奇怪﹗雖沒有完全關上窗子,然而只餘下一條窄窄的縫隙,怎可能風大至吹動百葉簾?不知何時,小強向上爬,爬上了百葉簾。一輪驅趕後,飛上了掛在窗花的衣物,又飛上玻璃窗,結果是

牠爬向窗邊後,就這樣消失了。

仔細檢查窗台、百葉簾與掛著的衣物,依舊沒有發現,唯有相信牠經窗縫逃出室外。

事情以如此方式解決,屬「不幸中之大幸」。雖然要消毒牠停留過的衣物,這己算是小事。


其後,聽說肥皂水是對付小強的「利器」,已自備一枝以防萬一。不知各位可有聽過肥皂水的功效?

61 則留言:

  1. 一手拿起
    放出窗外
    普度眾生
    阿彌陀佛

    回覆刪除
    回覆
    1. 大夫,你使我想起今日看見的一單聞。在日本,一個女人在家見到蟑螂,唔忍心整死佢哋,於是諗住捉去放生。放生時又驚佢哋冇嘢食,於是拎佢哋去超級市場放生(和你的「放出窗外」不同),結果被警察拘捕。

      哈,都唔知大善至此,定係有心報復超市後搵個理由。

      刪除
    2. 與蟑螂共生
      尊重蟑螂
      保障领土權益

      刪除
    3. 哈哈哈~日本個女人.....笑死我呀~~~

      刪除
    4. Aiya,如果果個唔係日本女人,我可能會諗果個女人係咪你嚟GAR =P

      刪除
    5. 我怕佢哋,我唔會自己放生,最多叫爸爸做啦~

      刪除
    6. 你爸爸...有冇口出怨言?=P

      刪除
    7. 唔會gar,爸爸會話:嚇我個寶貝女,你唔識死!

      刪除
  2. 哈哈,點解唔同小強做下朋友呀?

    回覆刪除
    回覆
    1. 因為...老師教話唔好誤交損友嘛=P

      刪除
  3. 只看題目, 不明白, 看下去, 明白了
    讓小妹告訴你一個有效的方法, 可以消滅你家的小強,
    去大公司買一個插電的 Bug Scare ( 驅蟲大王)
    長期插在家裡的電掣中,最好是廚房一個, 客廳一個,
    那Bug Scare發出的電波,會消滅蟑螂,螞蟻,老鼠,壁虎…
    我家用了這種驅蟲器2-3年了,
    家中完沒有一隻昆蟲出現!
    真的很有效的呀 !

    回覆刪除
    回覆
    1. 多謝羊羊俾貼士,用驅蟲器好似好大陣仗咁^_^。我屋企未至於一隻昆蟲都冇,比較多見的是衣魚。

      當通識知多一點DD都好, Bug Scare幾多錢一個?

      刪除
    2. SUSU,衣魚是什麼來的?

      刪除
    3. 衣魚窄長的,不會飛,頭有兩條鬚,尾有三條鬚,佢哋鍾意食紙GAR。

      刪除
    4. 唔識飛都好D~見到佢哋,我最多躲高D~

      刪除
    5. 喂,衣魚都識爬垂直平面GAR (你係咪會答我「再躲高一D」?=P)

      衣魚其實細隻的,咁會不會冇咁驚?

      刪除
    6. 唔理大定細,最好唔好見到~你形容佢形容得好清,你用放大鏡睇佢?>_<

      刪除
    7. 唔駛啦,頭同尾D鬚咁顯眼。

      刪除
  4. 作者已經移除這則留言。

    回覆刪除
    回覆
    1. GOOGLE個系統係咁,有時留言稍長就會被送去垃圾留言箱。我替你拎返出嚟喇。

      刪除
  5. 我會尖叫gar,小強會驚尖叫聲,佢逃跑時,爸爸就可以捉佢!

    回覆刪除
    回覆
    1. 我覺得這些昆蟲,都好可憐,佢哋都唔想咁乞人憎,奈何!佢哋比人大力拍打時,嗰種痛真係唔忍心,通常我會要爸爸放佢走。

      刪除
    2. 吓?夜晚一個男的無端端尖叫,會嚇醒鄰居GAR=P同埋,我估我把聲無你咁高頻。

      通常我都唔會拍打害蟲GAR,特別係大隻果D,費事事後清理麻煩同多菌,衣魚我都係用紙巾隔住捉。但係..美洲小強大隻,隔住張紙捉都覺核突,屋企冇滅蟲水,唯有用報紙打...放佢走?佢哋會污染環境,係衛生公敵BOR。

      刪除
    3. 潔潔,

      你有沒想過牠在屋內可能爬到碗碟上去, 打不死週圍走, 弄污了你又沒留神, 衛生成問題啊!?

      刪除
    4. 雅姬蘭,這些昆蟲,又真的神出鬼沒,令人煩惱。

      我剛到你的blog,學了醉雞翼呀~謝謝你~

      刪除
  6. 通常用自己方法進入,會用自己方法離開!所以你無需強行驅逐佢出境!

    回覆刪除
    回覆
    1. 吓?我原本係想打佢GAR,不過打中都唔易(可能對氣流改變有高警覺),同埋佢停在百葉簾同衣物些非固定的硬表面,先至變咗做「驅趕」咋。越早在室內消失就越好,唔知佢爬過D乜嘛。

      刪除
  7. 甲由大作戰! XD
    偶然晚上會見到牠的, 一吓打不死的, 還週屋走, 像玩足迷藏, 激氣 ...

    最怕是中了殺蟲水從屋外進來亂飛的, 神經病 ...

    回覆刪除
    回覆
    1. 部份可能已經適應咗殺蟲水D毒性,所以中咗殺蟲水咗都冇事,又或者毒性冇咁快發作。

      刪除
  8. 用60/70C熱水同它沖涼,它即死!

    回覆刪除
    回覆
    1. 用滾水時,要小心自己對腳呀。^_^

      刪除
  9. 我不怕蟑螂,快速用殺蟲水消滅佢!

    回覆刪除
    回覆
    1. 我屋企冇殺蟲水呀,都驚佢地有抗毒性,所以...參考「古方」,整咗支肥皂水代替殺蟲水,用物理方法代替化學方法。^_^

      刪除
    2. 肥皂水代替殺蟲水,未試過,得嗎?

      刪除
    3. Re: Celing & 潔潔
      提出用肥皂水的,理論是牠們的氣孔在身上,有一層油性物質保護,肥皂水中的肥皂成份可溶化那層油狀表層,那麼水份便可湧入氣孔,造成窒息效果。

      我冇試過呀,亦唔想試,因為我唔想再見到^_^無綫有個節目叫'學是學非',如果叫果班女仔做實驗試下會不會顯得我好無良,唔識得憐香惜玉?諗落都真係幾無良,都係唔好喇=P我睇有D BLOGGER寫過,用肥皂水是WORK的。

      刪除
    4. SUSU,我唔答你呀~再講...我驚我同佢夢中見呀~

      刪除
  10. 係沖涼用60/70C熱水,唔係白灼-->用滾水 :) For your reference 昆蟲用60-70C水已足夠,壁虎就要用滾水白灼啦 (of course, only if you want to kill it)

    回覆刪除
    回覆
    1. 哈哈,我本身對60、70度熱水即係幾熱冇乜概念,經你講講近似沖涼時的水溫,現在都大致有個譜。^_^

      刪除
  11. 回覆
    1. 見佢飛果時,都有諗唔知佢會飛去邊GAR。

      刪除
  12. 小強................心心驚驚!

    回覆刪除
    回覆
    1. 心心通常會將牠放生的.......................

      刪除
    2. 吓?你又放生?佢哋係衞生公敵BOR。

      刪除
    3. 總之佢不犯我,,,我就不會犯佢,,,但當佢來犯我,,,我就一定還擊囉!

      刪除
  13. 預防的方法倒有一個,是舊同學教我的,去那些專賣種植用品的店,買一種叫「蟻粉」的東西,灑在家中牆角、窗邊,昆蟲界不再探訪你家了。

    回覆刪除
    回覆
    1. 蟻粉,等我當通識GOOGLE吓。^_^

      Bobo,一段時間無見你出現,有冇高到、肥到?=P

      刪除
    2. 過了青春期太久太久,不會高啦,是輕了點。 夏天真是苦的多。

      刪除
    3. 我妹妹去年新婚,怎知今年屋苑進行大維修,你知一般都會有些蟲蟻從外牆、水渠爬入,她用了蟻粉真是全沒有了。 快將打風季節,快做預防措施吧。 若你真是找不到便告訴我,可郵寄給你,只是幾塊錢故不用客氣。

      刪除
    4. 夏天苦的多,是悶熱個人易唔舒服嗎?bobo性格有點似把事情收在心裡,收收埋埋屈住屆住,唔想點煩朋友抒發吓咁。

      我SERACH過一D關於蟻粉GE介紹,發揮功效似藥餌,係吸引蟲蟻食後,再傳回窩中同伴,一起毒殺之類。有幸屋企歷來係偶爾「一隻形式」出現(除了衣魚。衣魚相對較易見,但都不算嚴重),似由室外爬進,衡量利害後,我暫時不打算採「藥餌系」方法,怕反而會招惹更多主動爬入嚟。

      不過,重點不在蟻粉,而係多謝Bobo幫助我的心。

      刪除
  14. 我會用報紙打死佢!不過有一次我用清潔劑噴佢,過後見到死係洗衣機下面,唔知係咪中左清潔劑而死哩?

    回覆刪除
    回覆
    1. 係咪會起泡、除油果煩清潔劑?呢D就係同文中提到肥皂水GE原理,哈,你咁講,有效都唔定。

      用報紙都叫過好過用拖鞋,打完即丟。

      刪除
  15. 我性格如是,一般不會讓人太了解。
    夏天苦的多,也不純因天氣,總結過去,也真是夏天就不那麼順心呀。
    這方法我也是偶然學得,原本已忘了,最近在 fb On this Day 那一功能回顧數年前寫的東西,舊同學如此回應,恰巧妹妹住處大維修較多蟲患,而你說起,十分巧合啊!

    回覆刪除
    回覆
    1. UM...又真的沒有必要讓個個了解,又或者什麼事都要與人分享的,最緊要是,玻璃屋可以是茶色玻璃,但都不要忘記「界」一兩扇窗,有時俾自己鬆鬆抖抖氣罷了。^_^

      夏天,蟲蟻蚊之類係活躍D,可能你和其他人說起,都有此共同話題喔。

      刪除
  16. 原來很多網友是有暴力傾向。
    幸好我家很少出現小強。

    回覆刪除
    回覆
    1. 咁消滅小強,各師各法,都唔算好暴力啦。=P

      刪除
  17. 對於害蟲一定要"殺無赦".....kakakaka....

    回覆刪除
    回覆
    1. 如果將"殺無赦"改做另一個殺蟲水名,咁就係一句廣告標語。=P

      刪除
    2. 原來真喺有套網絡劇,劇名叫《殺無赦》架!哈哈哈....
      http://8drama.com/109481/

      刪除