2016年8月22日 星期一

黑豆奶

前陣子無意中發現維他奶集團推出新產品---------黑豆奶,於是買了一包六盒裝試試。

即晚喝了一口,不難喝,不似變壞,但味道就是不像我曾喝過的其他小店出品,於是看看成份說明

你猜,那盒黑豆奶由什麼製成?含什麼成份?

(註﹕很久前寫過一篇題為<麵包成份>的舊文,談的主要是人工添加劑,今次不談這些,事實上亦「難以詳談」,原因見後文。)

黑豆?對﹗

糖?對﹗

鹽?對﹗

至於由英文字母與數字組成的各款添加劑沒有。沒有?對﹗至少字面上沒有。可是,描述中有一項很籠統叫「調味劑」 的東西,不知實際是什麼。


細讀下,SU萬萬想不到加了黑芝麻,更始料不及的是同時加了花生類製品(即是什麼?)

黑豆奶,我最直觀想到的是以黑豆磨成、並且加入糖、鹽等調味的飲料,殊不知原來含有好像不相干的黑芝麻及花生類製品。猶幸沒對花生敏感,不然很有可能已「中伏」。

逛超市時偶爾碰到一些拿著食品左看右看、仔細審視包裝說明的消費者,也許在部份人眼中他們是「有點怪怪」的。然而相深一層,就那些已確定對某類物質過敏的人而言,致敏原可隨時在看來風馬牛不相及的製成品裡出現,這種小心翼翼的所謂「怪異行為」卻是極重要的「保命之舉」。



舊文重閱﹕
<麵包成份>




圖片來源﹕
自拍

33 則留言:

  1. 豆漿都係買新鮮好啲。
    麵包一樣買小店內新鮮出爐好啲

    回覆刪除
    回覆
    1. 今次買這款,加了黑芝麻,飲落個味偏向芝麻糊,口感就係返豆漿,冇芝麻糊咁杰。我就係一飲,發覺與之前飲過的不同(該小店稱是自製的)。

      超市D袋裝方包,相比之下係方便懶人,而我都買過,做過懶人。

      刪除
    2. 這個應叫黑芝麻豆奶!? 那麼,黑芝麻及花生製品,為什麼要加進去?是用作調味?或口感問題?

      刪除
    3. 可能呢條黑豆奶「秘方」係個中醫師諗出嚟,黑芝麻同黑豆都補腎氣,一齊可加強效果 =P 其實我諗唔到,不過KEY可以同時參考樓下Philip和平帆的見解。

      KEY有冇興趣買包試試?^_^

      刪除
  2. 我相信當大家睇到黑色豆奶時,會自然聯想起黑豆,查實黑豆只是表皮黑色,但果肉是綠色的,故此我相信黑的色素可能源自芝麻。依家啲食品有唔少添加劑,有啲成份對某類人產生敏感,所以要小心選購,尤其是新產品!

    回覆刪除
    回覆
    1. 唔知係咪如你所說,想加深D豆漿的顏色?哈哈,又或者,維他奶高層可能參考過中醫學說都未定,黑豆漿加黑芝麻,加強補腎氣效果。結果,飲落口感仍然係豆漿(不會杰),但味道就似芝麻糊。

      刪除
  3. Hi, SU我又嚟多嘴一下,黑豆漿有用黑豆,已經很好了。有D果汁完全沒有水果架,衹有chemicals。 後面說的“花生類製品”etc 應該是同一部機器生產過花生類製品,爲避免法律責任而寫的。

    回覆刪除
    回覆
    1. Judy, 多咀就恐怕太過言重了。討論時意見不同,亦是正常事,遇有值得花時間討論的話題,我唔打算唯唯諾諾去覆,但亦都要理解唔一定人人認同,唔認同就係「敵對」之類。觀人,我睇態度、價值觀極不極端等多方面的。

      D果汁沒有水果,即係用化學劑整D水果味溝水?所謂「果汁」全名係咪「水果味的化學汁液」?=P 我唯有希望自己沒飲過無良商人的製品啦。照你所指,「花生類製品」似是「戴頭盔」式陳述...

      (BTW,我之前去過你的BLOG回訪,但唔見有留言格...我都睇過你一些遊蹤的。^_^)

      刪除
    2. 純粹個人blog,不設留言雅座-->衹有我講,無人講XDDD
      所謂游蹤,都是陳年舊照,趁沒有老人癡呆,做個記錄吧了!有好多照片已經變黃退色,看不清了。
      講返化學食物,我最近有食過‘牛肉味薯片’和‘魚味雪糕’真係好似!其實有好多化學食物/飲料,你consume咗都唔知,eg coke,lemon tea,飲宴時喝的橙汁

      刪除
    3. 我冇飲汽水好耐了飲宴時多數都係飲橙汁---------好彩唔係成日有飲宴=P

      刪除
  4. 我就是「左看右看」的人。

    回覆刪除
    回覆
    1. 唔出奇呀,我覺得Bobo是一個重細節的人。^_^

      刪除
  5. Small U你真好喇!肯做白老鼠找食物品質的好壞...好讓大家小心選購...THANK YOU呀!

    回覆刪除
    回覆
    1. 肯做白老鼠找食物品質的好壞------>你估我係專寫飲食、試新嘢的BLOGGER?=P唔啦,只不過試完覺得幾特別,又寫下。

      刪除
    2. 其實..心心個人對食物品質會有所要求,,,或者同自己行業有關的!

      刪除
    3. 好彩我好少在這裡寫食評,唔係就在你面前出醜喇。

      刪除
    4. Small U你真好幽默.......................*(•‿•).

      刪除
  6. 很久之前「聽」電視過黑豆漿分用黑豆或黑芝麻做材料,但大多數用後者。我又沒想過黑豆磨出來的汁,可以是白色的。

    參看維他在內地生產的黑豆奶,成份中找不到花生類食品。

    回覆刪除
    回覆
    1. 個配料說明(PS﹕ingredients譯做「配料」,唔係好慣),話含有大豆、奶類、芝麻類製品都可以在之前的分項對照到,至於花生類食品,我第一個猜想係會唔會佢D所謂「調味劑」有用到...「調味劑」呢個詞實在太闊。

      不過平帆可以參考一下樓上Judy的說法,或是使用的機器同時生產花生類製品,所以戴頭盔寫埋。

      刪除
  7. 除左睇成份,都要睇埋日期,我試過去百X買牛奶,竟然有過期一個月的!

    回覆刪除
    回覆
    1. Ai insky提得啱,睇下有冇過期都是很重要的。仲有,百X佢地有時過機時的價錢和貨架上的價錢是不同的,買得多嘢時我通常都圍一圍數先,唔係買一大堆嘢收多咗錢唔覺的。

      刪除
  8. 也曾喝過,就是覺得味道怪怪的。

    回覆刪除
    回覆
    1. 個味都唔係豆漿味,如果玩遊戲遮住對眼飲,我估10個都冇1個會答係豆漿,若我答,我會答係溝稀咗的芝麻糊。

      刪除
  9. 超市推廣時買過來飲,還是喜歡低糖那隻豆奶多啲!
    購買食物時,我一定會看有效日期,成份多少有時也會看看的,但,都試過明明日
    期未過期,但那飲品已變壞了,所以買時
    要細心目測一下安全!

    回覆刪除
    回覆
    1. 唔計在離島小店飲過的(小店稱自製),我記得我是在超市買過另一款6盒裝的黑豆漿,都唔係維他咁GE味的,但有一段時間冇在百佳見到。

      生產過程如有問題而QC抽樣CHECK唔到,咁盒上面GE有效日期就可能只係適用於個盒GAR喇。

      刪除
  10. 所以購買前要細心目測一下那食物或飲品才算安全!:P

    回覆刪除
  11. 唔係內行人真係好難知啲tim加劑係啲mug。

    回覆刪除
    回覆
    1. 就算睇到D CODE(字母加數字那些),都未必知係乜。不過我覺得好搞笑,成份表會有一樣叫「調味劑」...醋可以係調味劑、麻油可以係調味劑,坊間咁多種調味劑....

      刪除
  12. 有些人不吃得花生, 對之過敏, 有標示好啊!

    顧客只對流行的有害化物/添加劑防備 (如報紙/消委會報導)
    吃喝的就只能跟面市買什麼!

    回覆刪除
    回覆
    1. 我諗廠商都明白如果唔寫出嚟,萬一有人飲咗敏感,追究起上嚟都幾麻煩的。

      刪除
  13. SU,你去超市購物也很細心,我通常不會這樣小心看,靠身邊的朋友、同事告之是否好飲好食。

    回覆刪除
    回覆
    1. 我...都係覺得D味怪怪地,買了回家先睇標籤咋。

      刪除