2016年9月9日 星期五

主、副之別


船灣淡水湖的主壩上,人來人往。放風箏、踏單車、散步、取景拍照多種活動同一時間在窄窄的壩頂上進行,十分熱鬧之餘亦萬分危險。SU害怕的是那些難於察覺但隨時割傷途人與騎單車者的風箏線,以及風勢忽然減弱,天上的風箏一起「無定向式」下墜時擊中旁人。坐在主壩上談天,容易有心跳的感覺,可是這種「心跳」大概來自因「危機四伏」而起的緊張與警覺吧。



除了人所共知的主壩,船灣淡水湖還有經常被人忽略的副壩一帶。湖光山色依舊,遊人卻稀少。沒有單車,沒有風箏,沒有喧鬧,仿如置身一片自成一角的小天地。寧靜的角落裡,藍天碧海,群山襯托,配上白長堤,雖云「主副有別」,「副」好像比「主」低一檔次,然而安於一隅的副壩周邊區域反過來成為一處比主壩更適合談天說地與留下倩影的好地方,叫人眼前一亮。




前住方法﹕
遊人可於大埔墟港鐵站旁之巴士總站乘75K巴士至大美督總站下車。走過約2公里長的主壩後,可穿過閘口繼續沿水泥路前往副壩一帶。由主壩閘口走至副壩,來回約需2小時15分。時間僅供參考,步速與停下拍照的時間因人而異。





圖片來源﹕
自拍

41 則留言:

  1. 是話中有話還是我想太多呢?:) 好多時,我們都衹會留意主而忽略副,留意大而忽視小。這都是正常的!要經常自我警惕囉!

    回覆刪除
    回覆
    1. (改改錯字版)

      是話中有話還是我想太多呢?:)---->我唔係每一篇都會刻意加D MEANING落去GAR,但即使只係平平淡淡寫一篇,如果讀者能從中找出屬於自己的反思點,亦應是寫作人樂見的。

      初初接觸一個人,或者不少人都會以主、副(例如職位,主管與副主管)來初步審視,但其實一個人最終能否得到他人由衷尊重,靠的往往不是外在東西,而是個人散發出來的氣質與修養吧。^_^

      刪除
  2. 這也不錯,副手當然是低調一點。

    回覆刪除
    回覆
    1. 副手當然是低調一點----->這想我想起「功高震主」這句成語喔﹗也關乎職場中的生存之道呢﹗^_^

      刪除
  3. 回覆
    1. 我唔係認識好多主婦,所以大夫出的這個題目,對我而言難度頗高的。

      刪除
    2. 夫唱婦随;婦唱夫随 ,孰主孰賓

      刪除
    3. 孰主孰賓---->二為一體,人人平等。

      刪除
  4. 不論是山是水,走在大自然的地方,沒有危險就是好。

    回覆刪除
    回覆
    1. 阿姨,最近有單新聞,有個女人隨山隊行石澗時遇到大蟒蛇呀,俾蛇咬了一口,好彩冇俾蛇捲住。

      刪除
    2. 我有個親友曾經俾蛇嚇過,以後不敢去行山,不敢行草堆。
      前兩年見新聞報導港島有一大蟒蛇出現,要出動捉蛇專家。
      是不是陰暗的山澗才會有蛇呢? 陽光普照的山上很少有蛇吧?

      刪除
    3. 我都見過蛇,不過係細條的,同埋係靠在近樹林的路邊,感到有人行近很快爬回樹林。日間,好少蛇會「攤」在無遮無擋的路中央,佢地都驚,都要自我保護。

      不是陰暗的山澗才有蛇的,要看蛇的習性。草叢、田野會有,甚至乎青竹蛇會纏在樹枝與樹葉之間伏擊小動物,所以我通常都會沿較明確的山徑行,唔會「鏟林」。另一個原因,就係驚有人在山坡借長草掩護放捕獸器。

      刪除
  5. 羊群心理! 副霸人少啲, 清靜之地!

    回覆刪除
    回覆
    1. 又唔怪得係羊群心理的,因為主壩盡頭有道閘,未必人人會穿過去繼續行。如果唔知閘後面有其他風光,唔係人人都會向前走探索嘛。

      刪除
  6. 比如人生,,,低調有時比高調更加吸引!

    回覆刪除
    回覆
    1. 驚濤拍岸
      捲起千堆雪

      浪淘盡
      千古風流人物

      刪除
    2. Re:心心
      YES,太高調散發出來的氣質好易變了自吹自擂與囂張,感覺唔良好呀。^_^

      刪除
    3. RE:大夫
      古時所指的風流和現時所指的風流是不是兩種不同的風流嚟GAR?=P

      刪除
    4. 風月無今古
      林泉孰主賓

      風流總被雨打風吹去

      刪除
    5. 心心多謝大夫的詩句...可惜心心對詩沒有太多研究呢!(''-^.^-'')

      刪除
  7. 主和副各自精彩,互相輝影,缺一不可。

    回覆刪除
    回覆
    1. 都是呀,主壩和副壩一起閘住D水,先有船灣淡水湖咋。^_^

      刪除
  8. 如果是行的話,來到副壩休息再回頭確是一趟不錯的行程;踏單車的話,還是留在主壩好了。

    回覆刪除
    回覆
    1. 主壩閘後的路段,踩單車分分鐘俾人「抄牌」呀﹗^_^

      至於主壩,我覺得准人放風箏就唔好淮人踩單車,反之亦然。

      刪除
  9. 副霸係邊啊?以前去度踩單車,真係好擔心風箏線會橫係半空割傷人.

    回覆刪除
    回覆
    1. 由大美督起步,行過主壩後壩尾有道閘,穿過去繼續沿水泥路行可到副壩果邊。我在正文加返前往方法,由閘口行去副壩來回,約2小時15分,僅供參考。

      主壩上面,我覺得一係就准人踩單車,一係就准人放風箏,兩者唔應該一齊進行。

      刪除
  10. 主壩夠長夠直,位置好,所以吸引遊人。我曾參加過的跑步比賽,好多時都係以主壩作終點。

    回覆刪除
    回覆
    1. 跑在直直的主壩上,有冇一種好似跑極都未到的感覺?=P

      刪除
  11. 中秋節快樂💜。゚💕我今年食左月餅了💖*¨💘你呢
    好友★。゚☾甜夢安唾嚟☁¨*☆晚安♦・゚✬星期二╠╣aΡpy

    回覆刪除
    回覆
    1. 你食果個是什麼類型的月餅呀?你鍾意食傳統果D OR好似冰皮果D新出品?

      刪除
    2. 我都是淨係食左半個,朋友做既酥皮奶皇月餅嚟

      刪除
    3. 朋友自家製,真係要「嗒真」D呀,包含好多心機同心意的。

      我近幾年都冇乜食月餅了^_^

      刪除
    4. 我兩公婆近幾年都小吃月餅了
      好友♦・゚☼早晨&午安☁*`☀╠╣aΡpy週末

      刪除
  12. 我都鍾意行li 度,有好多錢錢^^

    回覆刪除
    回覆
    1. 潔潔,之前好多錢錢的同族兄弟俾人「放生」,在沙灘放入大海呀,搞到救生員和泳客要幫手執返佢地------佢哋係在淡水龜嚟GAR。

      刪除
    2. 我有留意,心中難過。放生!都要搞清楚放什麼!這些人知道放生的意義嗎?亂搞!

      刪除
    3. 放生,基本上好有可能已形成了一條生意鏈。即係捉嚟OR繁殖嚟賣俾人放生。

      刪除
  13. 實不相瞞,每次看到su的遊記,總刺激了我要在假期往外走一趟呢﹗
    上次「外遊」,已是去年冬天下了天大決才圓願的大澳呢﹗

    回覆刪除
    回覆
    1. 得一天那類假期 (如國慶),對你來說算不算真正的假期?=P

      天氣都仲熱,我都少了登山,改為走平路那類郊野多。今次,你有乜心水呀?^_^

      刪除
  14. 真系 N 年前去過,想不到現在變成這樣!

    回覆刪除
    回覆
    1. N年前...仲有冇印象,大概是怎樣的?

      刪除