2016年10月30日 星期日

新娘潭自然教育徑

 今次介紹一條郊遊短線----------新娘潭自然教育徑


可在大埔墟東鐵站旁的巴士站(新達廣場)乘275R巴士至新娘潭總站下車。由於新娘潭自然教育徑屬環迴式,官方入口與出口相距甚近,所以下車後向左走或向右走均可。是次選擇向左走


大大的牌樓就在眼前,不用擔心找不到入口


先走過位於新娘潭上游的新娘潭橋


新娘潭上遊景色。溪水潺潺,清澈見底


過橋後,依路碑指示向烏蛟騰、涌尾方向走


新娘潭就在自然教育徑的右方,惟樹木阻擋了視線


因教育徑不經新娘潭,如欲觀賞新娘潭瀑布,可在這兒右轉(圖中箭咀方向),經沙泥小徑嘗試「走近一點」


小徑平坦,但留意越近新娘潭下遊溪澗,路面將越潮濕


來到新娘潭下遊,沿澗而上可抵新娘潭。觀察現場環境,溪水充足,不少石塊頗濕滑。不想弄濕鞋子之餘,「涉澗」亦非所長,欣賞「層層而下」的天然石澗風貌已心足,故就此打住


原路返回自然教育徑,繼續行程。補充從這個拍攝角度看,可見通向新娘潭的支路口附近有一導賞資料牌,各位可以此作標記


在此路口按路碑指示,暫離教育徑,登上左方梯級往照鏡潭


站在欄杆前,欣賞長長的照鏡潭瀑布,感受其氣勢


原路退回支路口後左轉,過另一條小橋往郊遊區


有人燒烤、有人野餐,不亦樂乎


離開郊遊區,途經另一條小石澗。快要走畢新娘潭自然教育徑了


沿緩緩的梯級上行,返回主車路(新娘潭路)


來到自然教育徑出口,遊人可走至不遠處的275R巴士總站返回大埔區




後記及備註﹕
1.慢走新娘潭自然教育徑(包括前往新娘潭下游與照鏡潭),全程約需1小時。

2.截至本篇發佈日,275R巴士只在星期日及假日行駛。另外,遊人出發前宜瀏覽九巴網頁或留意站頭的時間表,查看於新娘潭總站開出的尾班車時間。

3.近新娘潭下遊與照鏡潭的山徑頗潮濕,提防滑倒。至於應否沿澗而上(新娘潭)或跨過圍欄(照鏡潭)近距離觀賞兩潭風光,個人意見是請衡量相關風險(例如天氣情況、石塊表面是否滿佈青苔),量力而為。





圖片來源﹕
自拍


37 則留言:

  1. 瀑佈水潺潺聲想到都好大自然妙韻!

    回覆刪除
    回覆
    1. 流水沿崖邊衝下,水勢之強,觀賞時可隱隱感到揚起的小水點撲面而來。

      刪除
    2. 試過在九寨溝的珍珠瀑布前這樣享受, 但後來有佈導觀說在類似的環境下不要這樣做, 因水可能有令人感染的寄生蟲!

      刪除
    3. 你又講得有有道理。我行山時不會用山澗水洗面,都係怕上游唔知會不會有污染或微生物。只係...瀑布揚起的小水珠近乎無得避,聽你咁講,唯有唔好行咁近同唔停留太耐。

      刪除
  2. 我祗是中學年代見過新娘潭,之後都沒去過。都要去探下佢先。

    回覆刪除
    回覆
    1. 這條短線,對貓貓嚟講會唔會短了些?=P

      刪除
  3. 回覆
    1. 對呀,現在的天氣已經沒有三十度了,可開始出動。^_^

      刪除
  4. 好耐無去喇,安排一下先,謝謝你~

    回覆刪除
    回覆
    1. 呢度是山路,和你近來行的水泥路有些不同,不過屬短線,潔潔可試一試的,況且也有郊遊區,悠悠閒閒坐低食D小食都好。

      同埋,對潔潔嚟講仲有度好-------呢度唔似船灣條路咁有道閘要穿過去,唔駛畀人話「唔守規矩」=P

      刪除
  5. 以前去新娘潭,唔係遠足,就係燒烤;係家去新嗰度,十居其九係跑步比賽。

    回覆刪除
    回覆
    1. 跑步你都係跑新娘潭路啦,要抄山路行一圈先有真係走咗入郊野公園GE感覺GAR=P

      刪除
  6. 以前冇咁多建設,跟朋友很容易就行到位;現在闢為教育徑,似乎要識路才可以去到。

    回覆刪除
    回覆
    1. 行果時,頭段都聽到好大的水聲。官方開闢這條自然教育徑時,或者D樹木未長得咁茂盛,在教育徑上已可看到新娘潭都未定的。本篇中通往新娘潭下游那條支路,其實冇路牌的,不過都正常,漁記都唔會鼓勵人行澗上去新娘潭吧。


      刪除
  7. 新娘潭是熱門地點,人山人海,星期日時人潮相信僅次於大美督,怕怕。但看你的相片﹐又沒有這種感覺。

    回覆刪除
    回覆
    1. 這處算比我想像中多人,但人群多集中在郊遊區那片草地吃東西及新娘潭石澗下游「玩水」,走在山徑時遇到的人都算疏落的。

      刪除
  8. 心心feel到瀑佈水聲咁嘅!^^'''

    回覆刪除
    回覆
    1. 唔駛FEEL啦,直接去現場遊覽啦。^_^

      刪除
  9. 好多年去過,秋天來了,我卻行唔到山了...........

    回覆刪除
    回覆
    1. 你都鍾意睇自然風光的...

      你現在點樣呀?如果少樓梯,較平緩的山路與水泥路或下斜為主的路可以一試嗎?

      刪除
  10. 回覆
    1. 「久在樊籠裡 復得返自然」嘛﹗^_^

      刪除
  11. 新娘潭自然教育徑風景也不錯啊!

    回覆刪除
    回覆
    1. 最大賣點就係有瀑布睇,加上路程唔長唔難行,又可野餐。

      刪除
  12. 從來都未去過新娘潭,只聽過不少可怕的傳說而矣。
    su,你有考慮出番本行山書嗎?

    回覆刪除
    回覆
    1. 唔只新娘潭,照鏡潭個名都是因為可怕的傳說而起的。

      行山書,好專業GAR,要介紹埋該路線沿路有什麼特色,例如地質、花草樹木等,呢個層面我係好難做到GAR。

      刪除
    2. 吓?有個照鏡潭,第一次聽添......
      不過用個blog寫都幾具實用價值,娛己娛人,唔錯唔錯﹗ :)

      刪除
    3. 係呀,本篇入面條瀑布果度其實就係照鏡潭,易到過新娘潭好多,同埋條瀑布亦比新娘潭那條高。

      試唔試下部相機呀?^_^

      刪除
    4. 嘿嘿嘿......
      下一站都打算係近地鐵站,驚迷路嘛﹗ :)

      刪除
    5. 希望你下篇...唔好出「迷路記」喔﹗=P

      刪除
  13. 新娘潭好似比較多溪澗同瀑布,風景唔錯喎!

    回覆刪除
    回覆
    1. 條自然教育徑其實頗短的,快腳行其實半小時至45分鐘可行完全程,但係睇下瀑布、睇下澗(我自已睇埋有冇蠑螈),如果加埋野餐,都可消磨超過1小時的,何況你哋鍾意坃水,

      刪除
  14. 印象中、一次跟行山隊去過… 好似行好遠、又崎嶇!
    終於我想幾個離了隊自己慢慢行呢!
    喜歡路程短、不難行的線路!
    你這個短線行程介紹、看來不錯呢!

    回覆刪除
    回覆
    1. 有無印象,你哋果時係咪由大美督出發,經八仙嶺自然教育徑行去?

      如果是假日或星期日去行,呢度算方便,因為有巴士直達;若閒時出發,公通交通的話也可坐小巴,但係就要留意環境揚聲叫司機下車喔﹗

      刪除
  15. 回覆
    1. 人字倒寫...指D流水分叉成小支流沿石而下?

      刪除