2016年11月4日 星期五

夜山初體驗


觀看日落後,心想該乘車下山還是徒步下山。

日光消失得很快很快,即使是跑,也不可能趕及在入黑前離開郊區,更何況是步行呢﹗不過,沿路為較闊的水泥路,且路旁有街燈照明,估計可應付,於是決定徒步下山,初探行夜山的感覺。

一如所料,尚未走畢四份一路程,天色已昏暗,接著很快便由日轉夜。雖說每隔一定距離便設有街燈,但因彎位較多,且樹木生長茂盛,樹枝與樹葉遮擋了不少燈光,無疑未至於伸手不見五指,然而部份路面確是「光線不足」、黑漆漆的。另一方面,由於夜行關係,思緒比日行集中(安全起見嘛),聽覺變得更為敏銳,不時察覺身旁的樹林傳來一些沙沙聲與疑似動物叫聲。當然不會停下來仔細探究一番喔﹗不過,行程途中倒有想過會不會看見一些如豹貓等較為少見的夜行野生動物。

就這樣在或明(路燈照射的有限範圍)或暗的山徑走了超過半小時,終於安全返回燈光通明的市區地帶,SU的「夜山初探」就此結束,算是一個不錯的體驗。擱筆前,想與大家分享一件逸事。

旅程中,SU從後趕上了一班徐徐下山的二十多歲青年(十多人小隊)。趨近時,其中一名青年忽然高呼﹕

「某某在哪兒?」

然後,他們停下腳步,左看右看。另一位同行者才如夢初醒般說﹕

「呀﹗他曾說要到一到路口的洗手間(註﹕洗手間設在山路的最高點,當時那群青年已走了近一半下山路)

我繞過他們繼續下行,但仍可粗略聽見他們商議如何解決「問題」。

「不是我們回程接回他吧...我們要重新上斜?」

「但...路這麼暗,他未必願意一個人走下來的...

我不知道最後他們打算怎樣處理,我想說的是...

參與行山活動,同行者本該互相照應。作為遠足發起人與領隊,更要緊記在分叉路點集齊參與者才繼續行程。事發地點「相對安全」,如果遺漏一個人在只得原始山徑且沒有街燈的郊野、山區,那可以是一件頗危險的事。






圖片來源﹕
自拍


36 則留言:

  1. 就算他們上山找回朋友,但在上到山前,被遺忘的那一位朋友,自己一人在山上,我想一定會覺得好惶恐 >_<

    你好勇呀~夜山我唔敢行gar,所以我哋行山,一定係早早就出發,以防中途有事故,遲咗落山,我會好驚gar

    你...行夜山時...有無想起...我叫你...望下邊個...喺你後面呀.....咭~咭~咭

    回覆刪除
    回覆
    1. 我估都未至於好惶恐GWA,始終每隔一段距離都有燈,不過唔慣GE話,有小小「心理壓力」都未定=P

      我呢D「行夜山」,水泥路又有燈,算係好小兒科喇。就係因為咁,我先覺得「可應付」,可以試下,做事要量力而為嘛。不過,坦白講,條路係比我想像中暗好多。

      喂﹗你仲好意思提呢樣嘢喎?

      刪除
    2. 你話-->喂﹗你仲好意思提呢樣嘢喎?我真係覺得好好笑gar,哈~哈~哈

      刪除
    3. 咁我係咪要改一改﹕Aiya, 你仲好意思笑GAR喎?=P

      刪除
    4. 因為我之前搵咗隻鸚鵡覆你,「鸚鵡學舌」嘛,自然係學人講嘢啦。=P

      刪除
    5. 鸚鵡你講吖:潔潔姐姐,我以後聽晒你話喇,你唔好嬲,錫番我吖~

      刪除
    6. 嘩﹗鸚鵡會學舌,但唔易被催眠喎。

      你果句「我以後聽晒你話喇」似催眠,可能要拎個錶在眼前擺吓擺吓先得。=P

      刪除
  2. 夜行山路,最好帶手電筒。

    回覆刪除
    回覆
    1. EE講得啱,最好係帶電筒,唔止照路,照下路邊D樹枝有冇蛇伏喺度都係好的。

      然而對我嚟講,最好都係唔好行夜山。=P

      刪除
  3. 回覆
    1. 你今次重組句子得嚟仲重組埋個意思喎﹗

      刪除
  4. 把同伴遺下在漆黑的厠所,他們也太粗心大意。。。

    回覆刪除
    回覆
    1. 因為我在下山途中先遇到這班青年,所以我唔係好知係大隊一路行,有個人通知其中一個同行者離隊去洗手間,定係在小休時有人去了洗手間,領隊冇點齊人就起行。

      如果係第一種情況,既然去洗手間那位已通知了其中一個人,那個知情的人都應該有個警惕,通知大隊停一停等埋先。另一方面,領隊也有責任在支路口望一望人齊先行的。

      刪除
  5. 好友★。゚☾眨吓眼時間過得好快嚟
    又瞓覺豬喇喂☁¨*☆好夢♦・゚✬晚安
    ╔══╗────╔╗╔═╦╦╗─╔╗╔╗¤
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝•*◇Zzz

    回覆刪除
    回覆
    1. 今次時間好夾,我喺你留言的時間左右睡呀。^_^

      刪除
    2. 好友★。゚☾又瞓覺豬喇喂☁¨*☆晚安♦・゚✬
       .∧_∧・。。゚🌛💤
       ( ・ω・ )
       |⊃/(___
      /└-(____/
       ̄ ̄ ̄ ̄ ̄ ̄•.¸¸。゚*💤

      刪除
  6. su, 邊看這篇文章邊為你及那位被遺下的山友捏一把汗呢﹗下次要及早下山啊﹗

    回覆刪除
    回覆
    1. 喂喂,如果要等太陽變成橙紅色同去到某個低位,咁就好難早下山喇。看完、影完都一定無可能在入黑前落得切山的。=P哈哈,咁都可以選擇坐車的。

      BTW,Sorry要你掛心,我會量力而為的,有一定風險但其實唔係真係咁危險,始終係水泥路同有燈(雖然照明效果打了折扣,路比我預期中還要暗),可應付的。同埋我都在路中央行,避免靠近山邊的樹枝,驚有蛇(青竹蛇就有呢D習性)伏在其中都唔知。

      刪除
    2. su,一向感覺你是有分寸的人,只是自己行山經驗極少,容易大驚小怪,有怪莫怪啊﹗ :)

      刪除
    3. 咪玩啦,點會怪你呀,更唔會覺得你係大驚小怪啦。其實,小心駛得萬年船,只不過係見有合適路段一時興起可以一試罷了,行山始終都係在日落前完成好。我又唔係玩毅行者,其實真係冇必要行夜山的,行過一次夜山(雖然是「入門初探」級)我就算GAR喇。^_^

      刪除
  7. 遺下團友是很大意 ...

    我試過遊九寨溝影相, 誰知影完團友巳遠去看不見, 遇到分叉路口, 只好孤注一鄭選一邊快跑, 那時只有一心不能停下腳步, 好彩選對了 ... 見回團友!

    回覆刪除
    回覆
    1. BTW 你自己一人行夜山? 好大膽喎!

      刪除
    2. 好彩你在分叉路口選對咋,唔係都幾麻煩。領隊其實真係有責任時刻留意齊唔齊人的,唔係只係負責帶路咁簡單。

      喂喂,係下斜水泥路同有路燈GAR(儘管條路係俾我想像中暗),試過一次我就唔試GAR喇,行山都係日落前完成好。

      刪除
  8. 我試過從東涌行去大澳,因為路上貪玩行得慢,結果太陽落山都仲未行落到村,果時見到太陽沉入海,周圍無人,而且仲有墓地,又缺水飲,真係好驚!所以如果真係你描述,漏左個人,真係要搵返佢先好行!

    回覆刪除
    回覆
    1. 試下從大澳行去東涌
      中途沙螺湾可坐船去東涌

      刪除
    2. Re: Ai insky
      東澳古道我都行過,你講果度,冇記錯本來係有條路直去的,但係豎咗個牌話封了之類要人在抵達大澳前上個小山丘,路旁有些先人重地。

      你走到大澳時,係咪有種難以形容的喜悅呢?^_^

      刪除
    3. Re:大夫
      YES,咁樣可以節省腳程,但要就船期預準時間喔。

      刪除
  9. 心心俾個【勇】字Small U你啦!>.<

    回覆刪除
    回覆
    1. 我呢D行夜山係小兒科級入門體驗,因為有燈同水泥路,個「勇」字我就唔收下喇=P

      刪除
  10. 我都試過行過十多分鐘無人又好暗的馬路下山,完全明白你說昏暗中"聽覺變得更為敏銳"的意思。那時,才會留意到蟋蟀的叫聲是多麽的好聽。

    回覆刪除
    回覆
    1. 我聽到果D,唔似係蟲叫聲,我估...係雀GE叫聲都未定。哈哈,其實我分唔到係什麼動物在叫。=P

      同埋,一來靜,二來天都黑了,冇乜景睇,冇咁易分心,自然會聽到多D平時易忽略的聲音。

      刪除
  11. 行夜山, 貓都試過, 為了影日落, 一次在大帽山, 一次在西高山. 兩條路都易.
    又帶偏電筒. 自從在八仙嶺, 夜落山, 以後行山,都一定帶電筒.現今好多行山TEAM, 集合一班人行山, 但是不會照顧隊友, 跟唔到就算. 好不負責任.

    回覆刪除
    回覆
    1. 貓貓說的行山TEAM,是否指拎住枝旗,唔駛報名,總之想參加就準時去集合地點大班人跟住一齊行果D?

      坊間有很多這類行山隊,但我未參與過佢哋D活動。我覺得,唔係人人都掌握當天的行山路線,「跟唔到就算」的話,你叫那個參加者如何在山頭獨自走下去?

      刪除
  12. 就是因為怕被人遺失,所以沒試過夜行!

    回覆刪除
    回覆
    1. 夜行其實都睇唔到什麼四周景物...哈哈,為睇螢火蟲就例外啦。

      刪除