2017年2月6日 星期一

石澳大頭洲

「趁海邊有風(趁有落日紅),趁天黑有夢(盡力做做夢),到處去碰碰(天生我有種),趁你我好動(好好的感動)」。提起石澳,或許最多人想到的是沙灘,然而沙灘之外,也可到大頭洲看海聽浪。


可於筲箕灣巴士總站乘9號巴士至石澳總站下車。來到迴旋處左轉(綠色箭咀方向),沿石澳村路走。補充如打算先參觀海灘,則右轉(橙色箭咀方向)


石澳村路兩旁有一些士多及食店,有需要時可作補給


直走石澳村路、石澳山仔路,盡處可見充滿古中國特色的建築群。建築物旁有一梯級通往石澳海角郊遊區


左方為五分洲,相片中央的半島為鶴咀半島


這個才是稍後登上的大頭洲喔


大頭洲與石澳半島由一條藍色小橋連接,小橋名為「情人橋」


山徑以水泥舖成,工整易走。不論直走或右轉,兩條步道將重新匯合


登山時選擇直走。山坡上大石處處,大頭洲的其中一項特色也


主道不時分出支路,大部份主道路段均設「欄杆」,可以欄杆為記


石澳村屋與石澳海灘好像離大頭洲很遠,但由石澳巴士站走至情人橋,僅約十分鐘腳程而已


天色再好一點的話,對岸將軍澳一帶的景色該更清楚


繼續沿梯級朝大頭洲的最高點進發


放慢腳步,留意四周,說不定可在郊野發現有趣事物。圖中的一堆大石像不像切開了若干片的出爐方包?「方包」前的石頭,又像不像「雙手合」?


到達山頂涼亭前,路過一些支路口。例如相中這裡,右行的話可抵達燒烤點


即使不燒烤,也可較近距離觀看五分洲與鶴咀山


俯視石澳一帶全景。SU就是從相中的藍色情人橋起步,正式登陸大頭洲


按紫色箭咀方向走,上行一會後


來到山徑上的最高點,各位可在涼亭小歇


回到前幅相片的支路位,依藍色箭咀方向前行,欣賞怡人海景


此臨海小徑通向大頭洲岸邊的岩石群,一些攀崖愛好者正練習游繩而下


觀光完畢,原路返回巴士總站,或轉往沙灘遊覽




後記及補充﹕
1.由石澳迴旋處起步往大頭洲,郊遊後返回起步點,全程慢走拍照,看海看石,約需1小時30分,時間僅供參考。如閣下是快步者,且不特意在海邊停留聽浪及探索不同支路,所需遊覽時間可縮短至1小時。

2. 文首的數句歌詞出自黎明舊歌<指日可待>







圖片來源﹕
自拍





44 則留言:

  1. su,呢條路好似唔難行噃,多人行嗎?

    回覆刪除
    回覆
    1. 唔難行,是一條行山郊遊的入門遠足路線,假日呢度應該都算熱門的,斯晨心郁郁?

      刪除
    2. 咁可以選定睇吓帶乜書去睇了=P

      刪除
  2. 看海聽浪,好好的閒情。

    回覆刪除
    回覆
    1. 行山郊遊,都係想悠悠閒閒嘛 ^_^

      刪除
  3. ✨超快到年十一喇喂🌟
    好友♦・゚☁晚安呢🌛💤甜夢安睡
    ★ O
       o
     .∧_∧・。☆
     ( ・ω・ )
     |⊃/(___✬
    /└-(____/
     ̄ ̄ ̄ ̄ ̄ ̄•*¤

    回覆刪除
    回覆
    1. 大家都做個好夢,第二日精精神神^_^

      刪除
    2. 好友🌟・゚✨晚晚甜夢安睡囉☁*¨*🌙💤
       .∧__∧・。。゚
       ( ・ω・ )
       |⊃/(___
      /└-(____/°¨°☆
       ̄ ̄ ̄ ̄ ̄ ̄•*¤💤
      ╔══╗────╔╗╔═╦╦╗─╔╗╔╗💞
      ║╔═╬═╦═╦╝║║║║╠╬═╣╚╣╚╗
      ║╚╗║╬║╬║╬║║║║║║╬║║║╔╣
      ╚══╩═╩═╩═╝╚╩═╩╬╗╠╩╩═╝
      ──────────────╚═╝💜•*💕
      💓大家💛瞓醒💚年十三╠╣aΡpy💙

      刪除
    3. 元宵節都嚟緊喇,兩日後

      刪除
    4. ✨超快到年十四喇喂🌟
      好友♦・゚☁晚安呢🌛💤甜夢安睡
      ★ O
         o
       .∧_∧・。☆
       ( ・ω・ )
       |⊃/(___✬
      /└-(____/
       ̄ ̄ ̄ ̄ ̄ ̄•*¤

      刪除
  4. 看來這個不難去喎,路口又有食店補給。相信一個人去行都可以啦。
    一個人快慢自如,自由自在。

    回覆刪除
    回覆
    1. 這裡易行,路程亦不長,啱一家大小。我諗...哈哈...因為大頭洲屬短程,所以易D約人,所以雖然一個人行都得,但係用嚟約其他人都唔錯。反而有D長途小小,行幾個鐘山路果D搵伴不易,所以惟有一個人行。

      如果係想看海聽泿消磨時間,就真係要搵返D有同樣情調GE人,唔係一個匆匆行完趕住走,另一個想留多會,咁就唔係好夾。

      刪除
    2. 我一個老人家,邊度約到啲咁有閒情逸致嘅人來陪我看海聽浪吖。
      小孫女坐唔定,走不停,捉不住,不能帶她去行海灣,免生危險!
      都係做個獨行俠算了。

      刪除
    3. 原來阿姨講緊計劃自己到大頭洲。

      你平時慣唔慣一個人到郊外?始終石澳多獨立屋,同埋都係郊區,星期日應該會多區外人入去遊覽,咁或者阿姨同屋企人都會安心D。呢度雖然係海灣,但係路都明確,同埋係水泥路,都好行的(有些人會走沙石小路出海邊岩石坐吓看海,呢樣就真係要量力而為,唔行慣小路唔建議,因為大頭洲有些位是懸崖峭壁)。

      呢度都可算合家歡路線,不如搵埋囡囡果邊一齊出發,咁就多個人睇實/拖實小孫女,咁就一家玩得開心又放心呀。^_^

      刪除
    4. 因為年青時很喜歡走上屋後的魔鬼山上逛,明知有時會有些小鬼受人操控,去搶遊人的相機,但我並無相機,又故意穿著樸素,一個人上去時,都是只行一條單邊的山腰小路,在我家都看得清楚。由這條路可以走到那邊的堡壘。

      刪除
    5. 當時在假日我和朋友行到山的那邊,是望不到屋邨人家的,那裡就有小鬼埋伏,但只看了我們一會兒就隱去了。有時會和朋友走到調景嶺村租艇扒。行山扒艇真難忘。
      不過,近日有賊打劫行山的家庭,我已打消獨自行山的意欲了。
      謝謝你的提醒!

      刪除
    6. 同埋,有伴一齊行都仲有其他好處喔,例如如果自己想在靚景留影,有伴一齊行就方便好多。^_^

      魔鬼山果邊仲可算係較熱門的路線,風景也不錯,有D類似歷史考察團都會帶人去參觀導賞,認識吓往事。

      刪除
  5. SUSU,最近去,我見唔到史諾比石,可能比水遮住

    回覆刪除
    回覆
    1. 吓?我直情唔知果度有舊史諾比石呀。不過,大頭洲D風景真係好好,見唔到史諾比石都值回票價啦=P

      刪除
    2. Aiya,大頭洲我去過幾次,次次都見唔到史諾比石呀 >_<

      刪除
    3. 潔潔去大頭洲果時係咪睜大眼睛搵史諾比石GAR?咁係搵唔到GAR,要瞇住眼先搵到,因為睜大眼,會...眼大睇過籠=P

      刪除
    4. 哈~哈~哈~笑死我,你吖,舊史諾比石係喺海GAR,如果水漲就唔見GAR LA。

      刪除
    5. 嘩,睇石都咁講究,要水退先睇到,咁都好講時間配合吓。

      刪除
    6. 你話眼大睇過籠...咁眼細睇乜野呀?

      刪除
    7. 眼細睇乜嘢?眼細睇真D...你唔覺如果近視唔戴眼鏡,矇起眼睇嘢會清楚小小?

      刪除
  6. 好呀!~石澳風景唔錯~直得行下.

    回覆刪除
    回覆
    1. 交通方便,易行,有好風光,有沙難,有食肆,確係唔錯。

      刪除
  7. 去年秋天去過,好鍾意果度!

    回覆刪除
    回覆
    1. 大頭洲景觀好開揚,而且唔難行,交通又方便,短線郊遊很不錯。

      刪除
  8. 原來可以喺石澳眺望將軍澳,真係唔講我都唔知!

    回覆刪除
    回覆
    1. 石澳沙灘縮咗入去就未必望到喇,大頭洲伸出海一D,所以望到。

      刪除
  9. 天朗氣清, 來大頭洲是一個好選擇. 謝謝推介.

    回覆刪除
    回覆
    1. 作為郊遊短線,交通方便,風景又好,唔錯GAR。如果貓貓嫌路短,可考慮遊完鶴咀,再就巴士時間表坐埋入去大頭洲一TAKE過。=P

      刪除
  10. 記得上次去完睇董伯伯石一陣,董伯伯就出來搞了一個「做瓜香港」基金。 XD

    陰天去也不錯,好天去唔搽太陽油定會曬黑。

    回覆刪除
    回覆
    1. 聽過董伯伯石,但係到大頭洲時冇刻意搵,結果...哈哈...隨心逛之下見唔到=P

      BTW,睇網友D相,我覺得董伯伯石似尊子筆下漫畫版的董伯伯,多過真正的董伯伯。^_^

      行山係要做防曨GAR,太陽油之外,擔遮都可以,個人一路曬位行,體力都消耗多D。

      刪除
  11. 「情人橋」個名咁得意嘅!背後會有故事嗎?

    回覆刪除
    回覆
    1. 有唔少人準新人鍾意去大頭洲影緍妙相,粉藍色小橋係重要景點呀,可能係咁...所以俾人叫做「情人橋」^_^

      刪除
  12. 石澳,年青時我都去過好幾次,每次都唔覺得那裡有甚麼好!
    所以連大頭洲和你說的風景都未聽過,只覺得沙粗浪大天陰,最不樂意是,來回都要大排長龍等車,心諗嗰時的巴士服務點解咁差?

    回覆刪除
    回覆
    1. 大頭洲...我都唔係好知幾時開始定為海角郊遊區,變了可能以前就只係一個石澳旁的不知名小島都未定,甚至有沒有現時的情人橋連接我都唔太清楚。

      我坐過9號巴士幾次,巴士公司見站頭擠滿人,會多開加班車,因為石澳果邊都幾多行山路線起點,變了搭客會多咗。

      刪除
  13. 回覆
    1. 出現返喇,GOOGLE分咗去垃圾留言,可能以為係廣告。

      刪除
  14. 盡力做做夢也毋須去到石澳啦!
    SU 真浪漫!:))

    回覆刪除
    回覆
    1. 哈哈,盡力做做夢唔駛去到石澳,但到處去碰碰就要外出嘛,可以考慮大頭洲LOR。=P

      刪除