2017年4月9日 星期日

港島徑第一段

天氣轉熱,郊遊時可選一些「非上行」為主與較多樹蔭的路線。是次由山頂廣場出發,走港島徑第一段至薄扶林水塘


遊人可於中環天星碼頭、交易廣場乘15號巴士至山頂總站下車。港島徑第一段的起點設於盧吉道入口,故取右路


水泥步道依太平山山腰而建,平坦易走


站在棧道上,飽覽維多利亞港兩岸景色


高大的印度橡樹是盧吉道的一處著名景點,長長的氣根為該樹的一大特色


接上夏力道,在這兒U型轉向,按路牌指示朝薄扶林水塘方向走(註﹕直走可返回山頂廣場)


不久來到另一路口,依圖中箭咀方向前往龍虎山觀景台(註﹕若右轉克頓道,可往松林廢堡區及香港大學)


在龍虎山觀景台一帶,可遠眺港島南區及南丫島


若有需要,遊人可在觀景區的長椅小歇一會喔


沿長長的梯級下山,小心走是安全的


路牌指示清晰,在此左轉往薄扶林水塘。遊人從這裡開始進入「樹林段」


樹蔭下走,吸吸清新空氣,聽聽鳥鳴,感覺寫意



「樹林段」裡少數的開揚位置,路徑和這些不知用途的建築擦身而過


來到另一支路位。若打算縮短行程,可右轉(下行梯級)往薄扶林水塘。由於是次全走港島徑第一段,因此走前方小徑。補充其後路段與薄扶林家樂徑重疊


和先前一樣,都是樹林裡的沙石山徑,不同的是這次山徑途經較多石澗


走畢「樹林段」,接回薄扶林水塘道後下行


來到港島徑第一段官方終點(同為港島徑第二段起點),取右路沿薄扶林水塘道下山


十分鐘左右,抵達薄扶林水塘。再前行五分鐘,遊人可走至薄扶林道(主車路),並在附近的巴士站乘車往香港仔、中西區等地




後記及補充﹕
1.由山頂廣場經港島徑第一段至薄扶林道,全程約需2小時15分。步速因人而異,時間僅供參考。

2.由太平山往薄扶林水塘,另一路徑是直接沿山頂廣場旁的薄扶林水塘道下行。入口地標可參看舊篇章<港島徑第二段>


延伸閱讀﹕
就前文提及的一些路徑提供附加資料

<松林廢堡歷史徑>

<港島徑第二段>





相片來源﹕
自拍


34 則留言:

  1. 我真的很少行山,記得在港島那邊,山頂行落去香港仔我曾行過一次,很好行,而且是在傍晚時候,陰涼不曬兼看到松鼠。而另一次也是從山頂下行,但那次卻不怎麼好,左轉右轉,又熱又冇風景可睇,哈哈…是落中環呀!

    回覆刪除
    回覆
    1. 山頂落由中環,你點行?

      我識果條線冇乜自然風味,兩邊唔少建築物。

      刪除
    2. 太耐了,都係跟同事一齊行,所以唔多記得;曾有段路可見到纜車,之後就行埋啲冇乜風景嘅山路,間或可看到中環的一些高廈,但最後到的地方就是香港植物花園,再之後便行行下,咁就落了中環。

      刪除
    3. SHU SIU提到段路可見到纜車,加上最後去到動植物公園,大概知道當年你依那個方向下山。雖然冇乜風景,但係一齊行一路吹水,時光都會快過D啦。^_^

      刪除
  2. SUSU,樹林段?我好似無行過。

    回覆刪除
    回覆
    1. 你係咪直接經薄扶林水塘道落水塘?係GE話,全條都係水泥路嚟。

      刪除
    2. 應該係,安排一下先,跟你走走 ^^

      刪除
    3. 呢條線繞咗一個大圈先去返薄扶林水塘道,會比你直接落薄扶林水塘道長GAR。

      刪除
  3. 哈哈!驟眼睇以為港島第一徑添!

    回覆刪除
    回覆
    1. 如果問人心目中的港島第一徑,可能唔少人答「龍脊」都未定。如果問我,我會答紫羅蘭山。

      刪除
  4. 山頂落山有很多不同路,呢條我很久前行過。

    回覆刪除
    回覆
    1. 呢度入夏行都OK,在樹林段走動雖然風景欠奉,但吸吸清新空氣也是好的,對身體有益。

      刪除
  5. 📣📢瞓醒🌟╠╣aΡpy週三嚟✨
    好友♦・゚☁晚安🌜甜夢安睡🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ✾๑۩۞۩*ღೋஜഐ❉

    回覆刪除
    回覆
    1. 明天都仲係話會落雨呀,不過假期會天氣好轉,算唔錯呀。

      刪除
    2. 好友♦・゚☁瞓覺囉🌜甜夢安睡呢🌛💤
      ╔═╦═╗── ╔══╗╔╗─────╔╗🌟*¨*✨
      ║║║║╠╦╗ ║═╦╬╬╬═╦═╦╦╝║∧∧・゚。
      ║║║║║║║ ║╔╣╔╣║╩╣║║║╬║・ω・)
      ╚╩═╩╬╗║ ╚╝╚╝╚╩═╩╩═╩═╝⊂ノ
      ────╚═╝❉ღೋ*.¸¸。゚✾ഐ❤
      時刻開心萬事得天天都過得幸福寫意
      🌴🏡🌵🏠🌳週四╠╣aΡpy嚟🎄💒🌲
      開始轉吹東北涼風落大雨🌀小心著涼☔

      刪除
  6. 有機會我都想行下呢條路線.

    回覆刪除
    回覆
    1. 好啊﹗夏天我都唔登山喇,多數行吓呢類路線及離島多。

      刪除
  7. 這段遠足徑頗適合初試人士。

    回覆刪除
    回覆
    1. 係呀,入夏行都OK的。天氣開始熱,行呢D路線體能需求會比登山少好多。

      刪除
    2. 若果不是豪雨、發展等變數,山徑真係可以五十年不變GAR。

      BTW,大夫果句係咪指山徑呀?

      刪除
  8. 行山專家,
    關於遠足行山的知識我完全貧乏,無知,
    我一生人只遠足過2~3次, 我怕辛苦, 是井底之蛙,又不識地區名稱和方向...
    記得3~4年前我跟同學由扯旗山頂行落中環,不知道什麼原因,行行下, 我兩隻腳從大腿由上而下至小腿部份, 兩條腿勁痕癢, 勁痕 ,但是落到中環就沒事了, 同學說我體弱, 血液流得不暢順,這問題一直存在我心中,

    回覆刪除
    回覆
    1. 介紹路線呢D唔算乜嘢專家喎﹗行多咗,人人都會累積多些經驗的呀。

      痕癢...我唔係好知關唔關血液流得不暢順事,如果唔係行到氣促,頭痛頭暈、胸口痛等,大致上都算安全的,不過仍要量力而為,少行的想行都要由易一點的路線入手。我愛行山,自然會分享多些關於郊遊遠足的事,不過最緊要係找些自己喜歡的運動,多郁動,咁對身體健康有幫助的。

      刪除
  9. 山頂徑我大部分都行過,好多徑都好易行/又舒適.

    回覆刪除
    回覆
    1. 對,山頂果度除咗繞太平山山腰一圈外,其實都有不少路線可供選擇的。加上山頂廣場有巴士、小巴可到,是一處不錯的起步點。

      刪除
  10. 平路易走, 開陽舒服! 港灣水色陰陰哋都不錯!

    回覆刪除
    回覆
    1. 夏天我多數唔登高山,行吓呢類橫行、下行路線KEEP住運動量、吸吸清新空氣就算喇。

      刪除
  11. 其實心心好少行山...如行只行好短嘅路程呢!😎😅

    回覆刪除
    回覆
    1. 最緊要係...忙碌中都找點時間做自己喜愛的運動,多郁動吓呢﹗^_^

      刪除
    2. 心心腳步日日都已經有郁動...應該算係做咗運動啦卦?!>.<

      刪除
    3. 心心腳步日日都已經有郁動---->坐喺度聽歌時腳底拍地打拍子果D唔算GAR喎=P

      刪除
    4. 哈哈!Small U你真可愛架!😆🤗

      刪除
    5. 又嚟可愛?我過咗俾人話可愛GE年紀喇喎。

      刪除
    6. 唔緊要吖!其實可愛這兩個字...係唔會分年齡架!🤗

      刪除