2017年5月10日 星期三

一次

以下數件事情,經歷或感受過一次後,大概不會有第二次。或許準確一點說,是不會主動發起第二次吧﹗

1. 觀看舞火龍
中秋期間,大坑及薄扶林村均有舞火龍活動。薄扶林村舞火龍較為「動態」,公眾可隨火龍由村口出發,沿車路步往華富村,最後抵達瀑布灣公園觀看傳統的「龍歸滄海」儀式。這是不錯旳舊村文化體驗,惟既是流傳已久的習俗,形式上不易加入新元素,故觀看一次已足夠了。



2. 徒步昂船洲大橋
這次是昂船洲大橋通車前,公益金舉辦的百萬行。大橋通車後,如何可再輕鬆漫步,於橋上細賞兩旁風光?我不是長跑好手,馬拉松封橋與我無關喔﹗


3.海洋公園「哈佬喂」
那晚,不知工作人員是否希望加快疏導排人潮,結果讓太多輪候者同時進入場地,變相形成人龍,一個跟一個緊密前行。當看見前方「嘩鬼」跳出來嚇人時,其後的參加者便「心裡有數」,知道「關鍵位」在哪兒,緊張刺激的感覺頓時倍減。另一方面,傳聞曾有天生陰陽眼的人稱「陰森的室內,有些是人扮的,也有不是人扮」。



4. 昂坪360吊車
原因很簡單,和巴士相比,費用貴很多;再者,沿途風景也不會有多大變化。既已乘過了,若要前往昂坪起步遠足,何不選擇其他交通工具?



5. 颱風過後踏單車

其實,愛上行山遠足後,本身已絕少踏單車;其次,多年前曾在颱風後翌日出動,眼見路上塌樹處處,甚至乎連燈柱亦被吹倒了,確實障礙不少。




圖片來源﹕
自拍

26 則留言:

  1. SUSU,3同4我都有試過,3係好驚gar,鬼新人好似飄埋嚟咁。4就好好玩,坐透明底ge纜車,刺激^_^

    回覆刪除
    回覆
    1. 你坐3360纜車時,經過救援棧道有沒有和D行山人士揮手呀?^_^

      嘩﹗估唔到潔潔都會去玩哈佬喂,我成日諗,會唔會有些女仔被嚇時驚起上嚟一巴打埋去跳出嚟隻「嘩鬼」度。

      刪除
  2. 回覆
    1. 話唔定EE下個同朋友仔GE聚會活動就係坐昂坪360呢﹗(PS﹕最近好似做例行維修,坐都要遲一些)

      刪除
  3. 1,人多擠擁的地方,不會去 2,大型活動,不參與 3,驚嚇鬼怪的環境,咪攪我 4,怕佢壞機收費又貴,無興趣 5,打完風周圍都危險,怕意外😜

    回覆刪除
    回覆
    1. 我記得同朋友坐昂坪360時,冇提話怕壞機,反而提過試車時跌過部車落嚟果件事。=P

      刪除
  4. 其實有很多參與一次就已很足夠,原因就是原素沒有新增,說笑一句,去了都是阻住個地球轉……

    回覆刪除
    回覆
    1. 看目的啦︳如果是為體驗,咁沒有新元素,又真係難吸引再次參與的。

      刪除
  5. 回覆
    1. 對呀,這個傳統有名堂GAR。

      刪除
    2. SU大哥說的,我羊羊只中了其中之一, 就是昂坪360了,
      我和家人,親戚,朋友先後搭過 5次了,
      不是特別喜好,有3次是陪外國回
      香港探親朋友而搭的,我本來畏高, 也要頂硬上 ^^

      刪除
    3. 嘩﹗你搭過咁多次。昂坪360吊車比海洋公園果D好,海洋公園果D過金屬塔時,架吊車會震震地GAR。

      刪除
  6. 好友☁是時候瞓覺🌜甜夢🌛💤
    ✨我都要早睡早起🌟去睇神公🌙

    回覆刪除
    回覆
    1. 你都要照顧好身子,咁先有力氣同精神去為神公打點呀。

      刪除
  7. 回覆
    1. 印象深刻,就唔易忘記嘛﹗^_^

      刪除
  8. 大概不會有第二次,以上的說話,對我來說,出現得最多就係光顧食肆後。

    回覆刪除
    回覆
    1. 幫襯新食肆,有時都睇彩數的,上OPENRICE做完功課後,一樣可以中伏GAR。

      刪除
    2. 正正係睇完OPENRICE去幫襯先至中伏!

      刪除
    3. 食店的廚師水準不穩都未定GAR,甚至乎,唔知OPENRICE有冇「職業寫手」?

      刪除
  9. “昂坪”的吊車我未坐過,大概記得坐過海洋公園的吊車兩次。但最驚險的算是在大馬乘吊車上“雲頂高原”的那次。因為在中途卡住不動了,天色越來越黑,底下是個密林深谷,真係好無奈! 嗰啲乜嘢鬼屋,明知係假嘅,又點會話驚gar!

    回覆刪除
    回覆
    1. 好無奈----->中途加插特殊體驗喎﹗=P

      佢哋做得個氣氛好陰森,女仔入去玩會嚇到尖叫GAR。

      刪除
    2. 係真唔係真呀? 明知係假嘅都會尖叫? 我未見過就真係唔知嘞。
      係咪扮吓嘢咁呀? 或者係趁吓高興啦。

      刪除
    3. 可能忽然有嘢彈出嚟在耳邊叫,個心係會離一離都唔定。

      刪除
  10. 除了偶遇觀看舞火龍外,其餘也無緣!

    回覆刪除
    回覆
    1. 其實,睇舞火龍時,都幾大煙的。不過見薄扶林果邊比較動態,人也少一些,於是那次當作中秋活動。

      刪除